♪ Lo primtemps qu'ei arribat ♫ , e dab lo temps de la vriuleta qu'espeleish tanben lo numéro 878 de la vòsta revista. Que'ns hè gai de v'auherir los arrams beròi eslorits de  las rubricas costumèras. Especiaument, dus contes: un breton, la seguida de Las Cronicas del soscantoral, arrevirada deu galhèc per Joaquim Blasco e l'aute, provençau, de Jaume Jaussaud sòbriament titolat “conte”.

Lo numéro que s'acaba sus cinc entervistas qui rebatan lo riquèr de l'actualitat literarària occitana. En particular, Vicenç Claverie que's prèsta a l'exercici de l'entertien per aver tradusit un àlbom de Tintin: Las jòias de la Castafiòra.

A consumir shens moderacion.