📚 Descobritz lo recuelh de poèmas esmavent de Tresià Pambrun
Tresià Pambrun que nos revèla lo son univèrs poetic. Los mots que corren, virolejan, dançan, pintran paisatges. Que parlan deu monde ordinari, qui càmbia, encanta o qui hè mau. Totun, la lenga que nos pòrta tot shuau de cap au saunèi. Que volem? Significar lo reau o espia'u per ua paret de veire?
❤️ Que ns'agrada hèra: Los poèmas que son hòrts, pregonds, intenses dens l'emocion qui suscitan. Ua vertadèra reflexion sus çò qui ei la cultura e la lenga d'un pòble. Daubuns poèmas que mòstran au còp la fragilitat e la resisténcia de la poesia e fin finau de la pensada umana.
L'autor
Tresià Pambrun qu'ei nascuda en 1954 a Lorda. Qu'èra conselhèra pedagogica en lenga e cultura regionaus. Qu'ei tanben cantaira e contaira. La soa seria de contes entà mainatges, Los Òmis Petits, qu'a avut ua beròja escaduda. Mei largament, la sua òbra literària que hè pròva d'ua finessa e ua sensibilitat de las granas.
Libe bilingüe occitan, francés.
📰 La revista literària Reclams n°877
E haut, com cada cap d'an, qu'incrementam de 1 lo nombre d'annadas qui'ns separa de la vaduda de la nosta èra. Çò qui'ns va dar lo beròi resultat de 2026 ans. E com un hèit exprès, per un medish procès d'incrementacion, la nosta revista Reclams de qui'n hèm la reclama, que clama d'estar au son 877au numèro. Numèro qui, a trucas d'ac tornar díser qu'ac devetz saber, e complirà la vòsta hami d'apréner, de'vs divertir e mei que mei de passar un bon moment en lege'u. Shens desbrembar totun qu'ua navèra rubrica qui tractarà deus mites deus pòples deu monde e vienerà emberogir un flòc dejà plan guarnit.
Qu'ei possible a cada moment de s'abonar a la revista en linha.
Que podetz tanben aderir a l'associacion e atau participar a l'Amassada generau annau atau com aus grops de reflexion metut en plaça entà avançar sus las perspectivas de la revista literària mei vielha de França !
Comandar
📰 ABC del saber, l’article deu mes
📚 Ací qu’avetz lo roman navèth entà adolescents d'Aure Séguier!
Au sègle XIVau, Yennenga qu'èra la hilha deu rei de Dagomba. Cavalèra e guerrièra de tria, que gavidè la cavaleria reiau. Pr'aquò, que decidí de huéger entà víver la vita qui desirava.
Malaja, pr'amor d'ua halha espaciotemporau, lo cors de l'istòria que poiré estar cambiat. Ua mission entaus dus eròis, Matèu e Estela, membres de la SGT (Societat deus Gardians Temporaus). Las aventuras e las suspresas que seràn nombrosas.
Estela e Matèu que son dejà los eròis deu prumèr libe de la seria: Rodeo preïstoric qui a ganhat lo prèmi de las calandretas 2024.
❤️ Que ns'agrada hèra: qu'ei ua istòria plea d'imaginacion d'estile dinamic e fluide e que's lei d'ua sola estirada.
La hueita de la guerrièra qu'ei disponibla en duas versions: gascon e lengadocian.
🎁 Un drin de país entà Nadau
Entaus curiós
Que voletz brembar lo país o parlar deu país a un deus vòstes amics? Un país, qu'ei la soa istòria, los sons monuments, los sons personatges celèbres, la soa lenga, las soas legendas, los sons arbos, las soas hèstas e plen d'autas causas enqüèra. Los libes de la colleccion Passejadas que'vs balhan un sarròt d’informacions qui permeten de's soviéner, de descobrir o de har descobrir.
Luishon pour les curieux
Lescar capitale historique du Béarn
Astarac, l'âme paysanne
Entau Nadau deus petits…
Aus vòstes mainatges que'us agradan las istòrias beròjas dab illustracions polidas. Aquò que cab plan, Eva Cassagnet qu'a lo don de sedusir los petits de 3 a 6 ans dab Paraulinas (e un QR còde entà escotar las istòrias), L'ors e las sasons l'ors qui prepara las sasons dab l'ajuda d'ua estela, Lo camparòu entà tot saber de la vita d'un camparòu.
... e lo Nadau deus grans
Nada rason d'oblidar los grans!
Alavetz, que vs'aconselham un roman sensible, quan Julian suu son lheit d'espitau, se gaha a escríver un jornau secret entà desvelar a Sandra –la qui aima– las soas lutz e las soas ombras. Que t'enviarèi tot lo men amor qu'ei un roman de Sèrgi Javaloyès, mèste de la narracion, un roman optimista on l'amor colora la vita de Julian.
📚 L'Étranger : un classic a tornar descobrir en occitan
L'Étranger (prumèr roman d'Albert Camus, prèmi Nobel de literatura) qu'ei actuaument en salas de cinèma. Vos balha enveja d'ac tornar léger? Que l'avem prepausat peu purmèr còp en traduccion gascona, au parat deu centenari de la neishença de l'autor. La traduccion qu'estó hèita per Eric Gonzalès.
Comandar
